عمود خاص
في تدوينة فريدة من نوعها قامت إحدى الناشطات على فيسبوك بنشر بالتعبير عن شوق و حنين كبيرين لعدد كبير من الأصوات النسائية قرروا الإعتزال سواء بعد الزواج أو إرتدائهن الحجاب.
إليكم التدوينة بقلم “عربية الإفتخار” من المملكة العربية السعودية.
إلى شادية الصوت الشادي ارجعي الفن اتيتم من بعدك
الجماهير مش قادرة تصدق إنك في عز مجدك اتحجبتي وبعدتي واتقربتي إلى الله
دا ربنا لو سمعك بتغني ياحبيبتي يامصر حيرد عليكي ياحبيبتي ياشادية !!
إلى أم البطل شريفة فاضل الفن استشهد من بعدك عودي الفن محتاجك
عزيزتي عزيزة جلال
الفن مستنيك بشوق كل العشاق
عزيزة هو الفن لعبة ولا الفن لعبة! تتزوجي وتسيبيه؟
ارجعي ولا طلبناك في بيت الطاعة !
حبيبتي سمية قيصر الفن مش قادر يصدق بعد ماتقولي إنو الأغاني دي ولادك تقومي مخلفة من وراه وتبيعي ولادك البارين بولد ربنا عالم إذا كان دحين بار ولا عاملك علقة في البلعوم
ارجعي الفن عاوزك تربيه !!!
إلو الصوت الجبلي كلودا الشمالي
ارجعي نوري ليلنا بمواويلك والعتابا ….
الدلعونة من بعدك تنعي نفسها والمسارح فقدت رونقها
يلا كلودا
الى الغالية شرين وجدي الفن بيقولك لو بينا ايه مايكون دا رد فعلك ولا كان يتصور تسيبيه
كبري مخك وارجعي
إلى بلبل وكنار الفن نينا وريدا بطرس
دي جزاتنا لما حبيناكم دا كنا نتصور تحطوا جوليا بطرس الي هي من نفس بيت بطرس
قدوة ومثل لكم
اهي تزوجت مغترب وفضلت تغني وتقاوم لحد ماكبرته ورجعته وزير
الفن أهم وأبقى من الرجل
يلا اعملوا خلع وارجعولنا وهنديكم ماس ولولي
إلى الحبيبة الضائعة ماري سليمان عليك بندور في الساحة تصوري ..! الفن مش قادر يصدق انك ضعتي منه فجأة بعادك ورا الساحة نجوم الظهر ارجعي ماتسيبينا كدا
إلى شرين أحمد أو شرين عبدالوهاب أو شرين آه ياليل
شكرا على قرارك دا وياليت بعلاقاتك الكويسة تقنعي كذا حد يمشي معاك في دي سكة ..،
شايفة لو كل القائمة الي فوق دي رجعت في نفس الوقت ارجعي أنت كمان لو مارجعت ربي بناتك وسيبك من الضغط وخلينا نحن نعيش بسلام
